وفاة - تليفون محمول - في ظروف غامضة

بعد لما عاش معايا

اسعد واتعس لحظات حياتى

وعرف كل اسرارى لانه كان فى جيبى علطول لما بخرج
وكان جمبى على السرير لما بنام
وكان معايا فى كل لحظه
وعرف الكثير من أسراري
بحكم - موقعه
كا - تليفون محمول

وكان الصديق الوفي
الذي لم يعصي لي -
رقما رنيت عليه او رن عليا
أو رسالة - لشخصية عزيزة
واللى كان بيكافح وبناضل عشان صوتى يوصل للاخرين

وعمرو ماعملها وفصل شحن
وهو فى شرطه واحده بس لغاية مخلص كلامى
والنعمه كان حنين

هذا الجهاز الوفي
الذي طالما حملته معي
في كل مكان وفي كل مناسبة
حتي شاركني غرفة نومي

وكان بندق اللى هو تليفونى
يعنى عمرى مابخلت عليه بالاكسسوارات
ولما كان بفلفص كنت بشحنو علطول
وكنت بكسيه بجراب يعنى عشان مايبردش فى الشتا
ويحميه من اشاعة الشمس فى الصيف

وكنت ناوى اشوفلو تليفونه حلوه كدا
عشان افرح بيه ويخلفو تليفونات وشواحن صغننه

مفرحش بشبابه
وجات اللحظه

فى يوم من الايام الطبيعيه
كنت جاى تعبان من برا ونمت
وهدومى راحت تتغسل
وللاسف نسيت التليفون فى جيب البنطلون اليمين
وحلمت بكبوس وقمت من النوم مفزوع هو فين هو فين واتحقق الحلم وفاة - تليفون محمول - في ظروف غامضة Crying

وفاة - تليفون محمول - في ظروف غامضة Crying

وطلعتو من جيب البنطلوت
وهو بيحتضر تيت بموت تيت بموت
وحولت اعملو تنفس صناعى واشحنو
ووديتو لملائكة الرحمة مراكز الصيانه لغاية مافقدت الامل

لغاية ماروحت استلم الفقيد من مراكز الصيانه

وعلي الفور
طالبت بتشريح الجثة
ومعرفة من هو اخر رقم رن
وهل كانت - ايادي خفيه
تحاول - استدراجه - ليفشي اسراري ؟
ولكنه فضل
الصمت التام - وعدم خيانتي

وانتظرت عدة ايام
حتي يكتمل اسبوع علي رحيل الفقيد
الذي رحل
ومعه
كل الارقام
وكل الرسائل
وكل الأسرار

ولغاية ماخلصت المده وعمرى ماهنسى هذا التليفون

وفي النهاية
شكرا لكل من عزانا

والجدير بالذكر
ان جميع الارقام فقدت

لا أصابكم مكروه
في محمول لديكم
ومنجلكوش فى حاجه وحشه

هههههههههههههههههههه ايه المواضيع دى انتى بتجيبيها منين ...

شكرا على المجهودد ...

بجيبها من المخاميييخ Very Happy

هههههههههههههه

شكرا اوي على المواضيع الحلوة دي

البقية فى حياتك يا اية

وربنا يصبرك يا عسل

ههههههههههههههههههههههههههههههههه

لا الصراحة خليتينى اعيط ازاى بس ده حصل وما قلتيش ليه كنا نيجى نعزى يلا مكتوبله عمر ربنا يصبرك
ميرسى يا عسل ع الموضوع

ربنا يخليكوا ويخليلكوا تليفوناتكوا يارب ومنجلكمش في حاجه وحشه