انا عايز اتعلم السرقة و الذى منه يا باشا

فى قصة احادثها حصلت فى قسم الشرطة بين مواطن عادى و المأمور او الظابط اللى كان ماسك القسم ساعتها

تعالوا نشوف القصة و بعدين حتفهموا انا عايز اشرح ايه
تبدأ القصة بأن المواطن دخل و بدأ يكلم الظابط اللى جوة

-لو سمحت يا باشا انا عايز اتعلم السرقة

-انت مجنون ؟

-قول اللى تقوله بس لو سمحت دلني على كوماندة الحرامية عشان يعملنى السرقة

-انت باين عليك مش حتجيبها لبر تحب احبسك مع المجرمين اللى متلقحين فى التخشيبة

-يا باشا انا قلت انكم ادرى الناس بالحرامية مجرد استفسار يعنى

-و انت بقى ناوي تبقى حرامى و تشرف عندنا

-لا يا باشا انت فهمتنى غلط

-طيب فهمني صح يا روح امك

-طب ليه الام يا باشا

-انتا حتصاحبنى انجز و قول اللى عندك

-اقول لسيادتك اصل انا بقى دى رابع مرة تتسرق فيها شقتى

-تقوم تتعلم بقى انت السرقة عشان تسرق المواطنين بدل ما تبلغ عن السرقة

-يا باشا مواطنين ايه بس هوا فى مواطن عنده حاجة تتسرق؟ و بعدين انا بلغت كتير
اوى قبل كدة بص بصراحة انا مش عايز اشغلكم و ربنا يكون فى عونكم و كفاية
اللي انتم فيه انا افهم سيادتك

-قول وخلصني
-بص يا باشا انا نفسى اعرف الحرامى ابن الـــ <تيييييييييييييييت> دة
بيدخل الشقة ازاي يا باشا غلبت مخلتشى... ترابيس حطيت جنازير ركبت اقفال
قفلت غلبت يا باشا

-و عايزنى بقى اعمل لاهلك ايه ؟

-ولا حاجة يا باشا دلني انت بس على الكومندا بتاع الحرامية اصل انا لما اتعلم
السرقة حبقى عارف ولاد الـــ <توووووووت> دول بيدخلوا الشقة ازاى و
ساعتها بقى حأمن نفسى

-انت باين عليك شارب حاجة يلا لو كل واحد اتسرقت منه حاجة يروح يتعلم السرقة حتبقى البلد كلها حرامية

-انت اللى قلت يا باشا مش انا

-قصدك ايه ياااااض

-..ولا حاجة

-مش بقول لك شارب حاجة شوف يابنى لولا ان شكلك ابن ناس مش وش بهدلة كان حيبقى
ليا تصرف تانى معاك بس خلى بالك اتعلم زى ما انت عايز عشان تأمن نفسك زى
ما انت بتبرطم و تقول انما حتسرق انت عارف ايه اللى حيحصلك

-عارف يا باشا حيحصلى زى الاربعة اللى سرقوا شقتى

-قصدك ايه؟

-قصدى يا باشا حتمسك و اتبهدل و يطلع بوزى و اترمى فى التخشيبة و اعفن و اتحاكم
و الكلام دة كله و مهما هربت حتجاب فى الاخر من .......... افاية استأذن
سيادتك بقى عشان الحق الشقة قبل ما الحرامى الخامس يجى

ــــــــــــــــــــــــــــــــــــــــــــــــــ ـــــــــــــــــــــــــــــــــــ

بصوا
يا شباب الكلام دة عمليا موجود فى كل حاجة او عشان نبقى دقيقين موجود فى
معظم الحاجة مش لازم البيوت و بس بردو الموضوع ينفع للهاكر و الذى منه

يعنى مش كل من يتعلم الهاكر يشتغل بيه و لكن تعلم الهاكر ممكن عشان تخلى بالك منه و تعرف ازاى تحمى نفسك من اذيته

الصراحة القصة دى مش كلها من تأليفى انا لقيتها فى كتاب و انا زودت شوية

بس بردو الفكرة الاساسية تكمن فى جملة واحدة

و هى

علمت الشر لا للشر و لكن لأتقيه

فمن لا يعرف الشر وقع فيه

===_ _ ( الموضوع منقول وشكر لكاتب الموضوع )_ _==

الموضوع جامد اوى وبالتاكيد انتى تعبتى عشان تعملى الحاجه دى

ميرسى يا اية فرو على الموضوع ده بجد حلو اوى
شكرا على المجهود

موضوع جامد اوي يا اية

تقبلي مروري

MosaaD

ميرسي لمروركوا جميعا Very Happy

الموضوع جميل جدا يا اية بس عشان نتعلم حكاية الهاكر دى مش سهلة دى عاوزة سنين عشان تتعلمى ازاى تبقى هاكر سواء وايت او بلاك فى كله صعب جدا اولا لازم نفهم يعنى ايه كومبيوتر بجد مش شات ومنتديات وبس وثانيا الهاكر ده عاوز لغات كومبيوتر نتعلمها لام نبقى نخلص ثانووى ممكن نتعلهمها بقى
شكرا جدا يا عسل ع الموضوع بجد تحفة

حاجة تضحك على فكرة مين اصلا بيحب السرقة

» اعلان هام : انتبه الى رصيدك من السرقة .... يجب الدخول والانتباه
» عندك 9طرق للفشل اتعلم معانا
» فيلم الاكشن والمغامرات الذى يبحث عنه الكثبرون Banlieue.13
» انا عايز صوره
» هاى انا عضو جديد ,,,,,,,,,,,,,,,,,,عايز بقه ترحيب من نار